Qeveria e Serbisë në mbledhjen e vet të sotme ka themeluar pjesën serbe të zbatimit Marrëveshjes së parë për Parimet që rregullojnë normalizimin e marrëdhënieve ndërmjet Beogradit e Prishtinës arritur në Bruksel e kryetar Këshilli është zgjedhur drejtori i Zyrës për Kosovën Aleksandar Vulin.

Projektligji "Kundër racizmit", thellon krizën në koalicionin qeverisës grek.Qëndrimi kundërshtues i kryeministrit Antonis Samaras në emër të partisë së tij, ka bërë që liderët e koalicionit, të pësojnë përplasjen e parë të dukshme.

Kryesocialisti Edi Rama ka vijuar turin e tij të takimeve me personalitete të ndryshme në Europë, për t’u konsultuar mbi qeverisjen e PS-së, në rast se kjo e fundit vjen në pushtet. Ai ka qenë gjatë ditës së sotme në Turqi, ku është pritur në një takim nga kryeministri Erdogan.

Kryetari i Bashkisë së Kukësit, Hasan Halili është larguar nga Partia Demokratike duke kaluar në krah të Lëvizjes Socialiste për Integrim.

Lëvizja Vetëvendosje paralajmëroi të mërkurën se do të ketë demonstratë ditën e ratifikimit të marrëveshjes Thaçi-Dacic, pasi sipas tyre, nuk ka asnjë dyshim se marrëveshja përmban premisat e një autonomie politike serbe për veriun. Kjo lëvizje kërkoi nga partitë opozitare të mos e votojnë marrëveshjen, pasi ratifikimi i saj i kërkon 2/3 e votave të të gjithë deputetëve të Kuvendit të Kosovës.