Thaçi pa kundër kandidat në Kongresin e 12 tetorit

Kur kanë mbetur edhe vetëm një javë nga mbajtja e Kongresit të PDSH-së, në garën për kryetar të partisë duket të jetë vetëm kreu aktual, Menduh Thaçi.

Ndryshe nga Kongresi i vitit 2011, kur në këtë garë u përfshi profesori Arifhikmet Xhemaili, këtë herë Thaçi do të garojë i vetëm, sepse rivali i tij Ziadin Sela nuk do të marrë pjesë në këtë kongres. Për më tepër, Sela ka paralajmëruar të padisë Thaçin për, siç thotë ai, organizimin e Kongresit në shkelje të Statutit të partisë.

Deri tani, PDSH nuk ka njoftuar për një tjetër kandidaturë për kreun e kësaj partie dhe kjo nuk duket se ka për të ndodhur. Në Kongresin e vitit 2011 kandidati kundërshtar i Thaçit, Xhemaili, arriti të merrte një numër simbolik votash. Shumë nga njohësit e çështjeve vlerësuan atëherë se kandidatura e profesorit Arifhikmet Xhemaili kishte për qëllim të kamuflonte një garë demokratike.

Follow Us
Find us on Facebook